اذا في عالم نسيانة: للتذكير


(باللغة المحكية وتم تقسيم المقال لفصول بعد كتابته)

الفصل الأول: الثورة السلمية
الثورة بدأت نصرة لدرعا يلي تحاصرت بشهر آذار 2011، وطلعت مظاهرات سلمية حتى بمدينة طرطوس، ولغاية شهر أيلول ما كان في أي عمل مسلح تقريباً.

بدأ النظام يروج لوجود مجموعات تكفيرية سلفية بدها تقيم إمارة إسلامية، طبعاً أحداث باب السباع بحمص، بالشهر الرابع مشهورة وقت أعلن النظام إنو إمارة باب السباع رفعت علم اسرائيل.

وحتى هديك اللحظة كانت الأمور بالسليم، بالسليم انو ما كل نهار 100 قتيل، بالأسبوع يا دوب 10.

الفصل التاني: بداية التسليح والانشقاقات
بدأت الانشقاقات بعد ما النظام استخدم الجيش، بحجة وجود مطالب شعبية بضرب الارهابيين بيد من حديد، وكان اقتحام حماة بأيلول 2011، وكرت المسبحة وراها، وبلشت الكتائب هون وهناك.

بداية كان المنشقين مسماين حالن لواء الضباط الأحرار، اجت جماعة ضاربت وعملت الجيش الحر، وتم لملمة الموضوع بدمج التشكيلين اعتبارياً فقط.

من ثم كان في جماعة عم تشتغل على تشكيل كتائب الفاروق يلي صارت فيما بعد حركة حزم، ورفضوا الانضمام لمسمى الجيش الحر.

وبلشت الكتائب العشوائية نظرياً، والمنظمة فعلياً، تتشكل تحت تسميات إسلامية، بدعم خارجي موجه بشرط عدم رفع علم الثورة ورفع علم القاعدة.

الفصل الثالث: الحرب على الجيش الحر
وحتى شباط 2012 كمان الامور تقريباً بالسليم، من حيث عدد القتلى، رغم انو النظام رفع الرقابة عن الحدود لدخول ما هب ودب، واعتقل كل شخص طلع بمظاهرة، واطلق سراح بعض السجناء.

وسقطت بابا غمرو نتيجة الدعم المشروط، ومثلها مناطق كتيرة، وتدخل حزب الله فعلياً مطلع سنة 2013 اضافة للكتائب الشيعية، ودخلت داعش عالقلمون بعد ماسقط القصير، وبسنة 2014 تقلعت داعش من ادلب عن طريق ثوار سوريا يلي تقلعو عن طريق جبهة النصرة يلي دخلت تدريجيا سنة 2013.

وهون كان الجيش الحر، بفضل التعفيس داخلياً وخارجياً، بحكم المنتهي وكان الخلاف على وزارة الدفاع رهيئة الأركان بالخكومة الوهمية البسمار الأخير بنعش الجيش الحر القديم.

الفصل الرابع: لا أقنعة
وبلشت عمليات التحالف ضد داعش، وصار في مناطق حكم ذاتي بمناطق الأكراد يلي كانوا عم يلعبوها صح حتى هديك الايام.

سنة 2015 الحرب بين الثوار وداعش صارت علنية، وتدخلت روسيا يلي ضربت التنين سوا، لا ضربت الثوار قبل داعش، وبلشت لقاءات فينا، يلي تتومت بمؤتمر الرياض.

اتفق بمؤتمر الرياض على مرجعية جنيف -عبارة مقتبسة من خافظ الاسد- وعدم وجود دور لبشار بالمرحلة الانتقالية وضرورة مخاربة الارهاب، وهذا كان سقف المطالب.

اول حدث بسنة 2016 رح يكون مؤتمر نبويورك بشهر كانون الثاني، ولساعتها منشوف شو بصير.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s